19 slapies…
Daar is nog so baie dinge wat gedoen moet word. Ek is seker die baba gaan kom met die helfte van die goed wat nog nie afgehandel is nie. Dalk is dit maar net hoe n mens voel wanneer jy vir die eerste keer ouma word.
My senings is op – erger as wat dit ooit was met my eie kinders.
Ek moet by se, ek kan nie wag vir die babatjie nie. Ek is so opgepof soos net n eerste keer ouma kan wees. Brag oral oor my nuwe Sorah-dingetjie.
Daar is hormone met hormone in my huis. Hulle almal hardloop rond en skree en gil. Die nuwe mamma se senuwees is gedaan, so die bang word op almal om haar uitgehaal en dan, wanneer sy besef sy is totaal onredelik, moet almal troos en vergewe. Soms is dit baie moeilik…
Right, Sorah Ritah Potgieter – Ouma is reg vir jou. Daar le hope brei goedjies, die kamera is op stand by, almal en alles is ge-prep. Ons is reg vir jou poppie.
Maart 12, 2009 at 5:51 vm
Ek is net so opgewonde vir jou. Ek kan nie wag om Saterdag vir jou ‘n paar goedjies vir Sorah te gee nie.
Maart 12, 2009 at 6:21 vm
Saterdag gaan die grootste fun ooit wees. Ek kan nie wag nie!! Ek is besig om vir Dianay te brei, dis te cuuuuuute!!
Maart 12, 2009 at 6:44 vm
You are gonna be some AWESOME granny, Koeksietjiekie!!
Maart 12, 2009 at 7:01 vm
Vir jou Koeks…
My hart is vol van kamers
Soos ek net kan begeer
Dis of die groot Beramer
Self elkeen meubileer
In elke een is iemand tuis
In elkeen is daar plek
My hart is soos ’n gastehuis
En niemand ly gebrek
Hul name pryk teen elke deur
Die mure is geverf
Met onthou-jy-nog se geur en kleur
Van elke siel se swerf
Daar is my Johan-kamer
Heel onder aan die punt
Met beitel en met hamer
Gekap tot diep bemind
My Jeanne se vertrekkie
Is met roseprag verfraai
Corle en Jaco het ‘n plekkie
Waar hulle koning kraai
‘n Kamertjie reg langsaan
Word tans in pienk getooi
As babatjie daar ingaan
Word Seëninge hier gestrooi
My hart is vol van kamers
Maar dié een’s spesiaal
Dáárin gaan die Beramer
Vir Sorah neer laat daal.
Maart 12, 2009 at 12:25 nm
Ek wag vir die eerste foto’s, hoor!! Sjoe BB Dis darem pragtig hoor.
Maart 13, 2009 at 9:49 vm
BB, ek het nou gesit en tjank. Baie dankie dat jy jou baie spesiale talente met my gedeel het. Asof jou mooi stem en pragtige lirieke nie genoeg is nie. Jy het elke emosie wat deur my hart gaan vasgevat in woorde. Hoe doen jy dit?? Hoe weet jy wat in hierdie Ouma-hart aangaan? Ek is so geseend om iemand soos jy in my lewe te he wat kan se wat ek voel. Dis asof die Here vir jou die woorde gee wat elke emosie verwoord.
Geseende Vriendin, baie, baie dankie!